(၁) အိပ်ရေးဝ၀ အိပ်ပျော်စေပါတယ်
ကန်စွန်းရွက်ဟာ အိပ်မပျော်တဲ့သူ ဒါမဟုတ် အိပ်ပျော်ဖို့ ခက်ခဲတဲ့ သူတွေအတွက်
အိမ်သုံးသဘာ ဝဆေး တစ်လက်လိုမျိုး အသုံးဝင်ပါတယ်။
ကန်စွန်းရွက်ဟာ အိပ်မော ကျအောင် လှုံ့ဆော်ပေးနိုင်စွမ်း ရှိလို့ပါ။
ကန်စွန်းရွက်ကို စားရင် အချိန် ကြာကြာ အိပ်ပျော်စေတာမျိုး မဟုတ်ဘဲ
အိပ်စက်မှု အရည်အသွေးကို ပြည့်ဝစေ တာကြောင့် နိုးထလာတဲ့အခါ လန်းဆန်းစေနိုင်ပါတယ်။
(၂) ဝမ်းမှန်မှန်သွားစေပါတယ်
ကန်စွန်းရွက်မှာ အလေးချိန်တူ ခရမ်းချဉ်သီးထက် ပရိုတင်းဓာတ် လေးဆပိုမို ပါဝင်ပြီး
ကယ်လ်စီယမ်ပါဝင်မှုက ၁၂ ဆပိုများကာ ကာရိုတင်းဓာတ်လည်း ပိုမိုပါဝင်ပါတယ်။
ဒါ့အပြင် ကန်ဇွန်းရွက်မှာ အမျှင်ဓာတ်များစွာ ပါဝင်တာကြောင့် အစာအိမ် အူလမ်းကြောင်း
လှုပ်ရှားမှုကို ကောင်းမွန် စေပြီး ဝမ်းမှန်မှန်သွားစေပါတယ်။
ကန်ဇွန်း ရွက်ကိုစားပြီးချိန်မှာ အူထဲရှိ အက်စစ်ဂုဏ် သတ္တိကို လျော့ကျ စေတာကြောင့်
အူလမ်း ကြောင်း Flora မမျှတမှုမဖြစ်အောင် ကာကွယ်ပေးနိုင်တဲ့အတွက်
ကင်ဆာ တားဆီး ပေးတဲ့ အာနိသင်ရှိပါတယ်။
(၃) ကိုယ်အလေးချိန် လျော့ကျစေပါတယ်
ကန်စွန်းရွက်ကို ဝမ်းနုတ်ဆေး၊ သန်ချဆေးအဖြစ် ကျန်းမာရေးဆိုင် ရာကျွမ်းကျင် သူတွေက
ယုံကြည် ကြသလို ကိုယ်အလေးချိန် လျှော့ချလိုသူတွေ အတွက်လည်း ကောင်းပါတယ်။
ကန်စွန်းရွက်ဟာ ဝမ်းချုပ်တာ၊ လိပ်ခေါင်းဖြစ်တာတွေကို သက် သာစေသလို
ကိုယ်အလေးချိန် လျော့ကျလိုသူတွေအတွက်လည်း တခြား အစားအသောက်တွေနေရာမှာ
အစားထိုး စားသင့်တဲ့ အစာပဲဖြစ် ပါ တယ်။
(၄)သွေးဖိအားကို ထိန်းပေးပါတယ်
သွေးတိုးနေ သူတွေမှာ ကန်စွန်းရွက်ကို စားပေးရင်သွေးဖိအားလျော့ ကျစေပါတယ်။
ကန်စွန်းရွက် ဟာ သွေးကြောထဲရှိ အဆီတွေ ကင်းဝေးစေရေးအတွက် အရေးပါပါတယ်။
(၅) သိုင်းရွိုက်ဂလင်းရဲ့လုပ်ငန်းဆောင်တာတွေကို ကောင်းမွန်စေပါတယ်
ကန်စွန်းရွက်မှာ ကယ်လိုရီပါဝင်မှု နည်းပြီး ဗီတာမင်အေ၊ ဗီတာမင်စီ ၊ ဖောလစ်အက်စစ်၊
ဆာလဖာ၊ သွပ်(ဇင့်)၊ ပိုတက်စီယမ်၊ ဖော့စ်ဖရပ်စ်၊ အိုင်အိုဒင်းနဲ့ သံဓာတ်တို့ ပါဝင်တာကြောင့်
သိုင်းရွိုက် ဂလင်းရဲ့ လုပ်ငန်းဆောင် တာတွေကို ထိန်းချုပ် ပေးနိုင်ပါတယ်။ အင်တီအောက်ဆီးဒင့်ပါဝင်မှုမြင့်မားတာကြောင့် ကင်ဆာမဖြစ်အောင်
ကာကွယ်ပေးနိုင် သလို နှလုံးရောဂါကိုလည်း ကင်းဝေးစေပါတယ်။
(၆)ရောင်ရမ်းမှုကိုလျော့ကျစေပါတယ်
ကန်စွန်းရွက်ကို သုပ်ပြီး စားတာကြောင့် ပန်းနာရင်ကျပ်ရောဂါ၊ အအေးမိတာ၊ချောင်းဆိုး တာ နဲ့ လေပြွန်ရောင်ရမ်းတာတွေကို သက်သာစေပါတယ်။
ကန်စွန်းရွက်မှာ အမိုင်နိုအက်စစ်အများအပြားပါဝင်ကာ အဆိပ်တား အာနိသင် ၊
ရောင်ရမ်း မှုကျစေတဲ့ အာနိသင်၊ ဆီးသွား စေတဲ့ အာနိသင်နဲ့ အိပ်မောကျစေတဲ့ အာနိသင်တွေကိုရရှိစေပါတယ်။
(၇) ဆီးချိုသွေးချိုရောဂါကို ကာကွယ်ပေးပါတယ်
ဆီးချိုသွေးချိုရောဂါကိုလည်း ထိန်းချုပ်ပေးနိုင်စွမ်းရှိပါတယ်။
(၈) အဆိပ်ပြေစေပါတယ်
ကန်စွန်းရွက်ကို အဆိပ်ပြေစေတဲ့ဆေးတစ်လက်လို အသုံးပြုကြပါတယ်။
အစားမှား တာကြောင့်အော့အန် တဲ့ ဝေဒနာတွေကို သက်သာစေတယ်လို့ ယုံကြည်ကြပါတယ်။
ကန်စွန်းရွက်မှာပါတဲ့ အင်တီအောက်ဆီးဒင့်ဟာ ခန္ဓာကိုယ်ထဲက မကောင်းတဲ့ ဖရီးရယ်ဒီကယ်တွေကို ကင်းစင်စေတာကြောင့် ရောဂါများစွာ၊ အထူးသဖြင့် ကင်ဆာရော ဂါမဖြစ်အောင် ကာကွယ်ပေးပါတယ်။
ကန်စွန်းရွက်ရဲ့ တခြားကျန်းမာရေးအကျိုးကျေးဇူး တွေကတော့-
အမျိုးသမီးများ လစဉ်ရာသီလာစဉ် နာကျင်ကိုက်ခဲမှုကို လျော့ကျစေပါတယ်။
ခေါင်းကိုက်တာ၊ သွားကိုက်တာကို သက်သာစေပါတယ်။
ဗောက်ထတာနဲ့ အရေပြားပြဿနာတွေအတွက် အသုံးဝင်ပါတယ်။
အနာတွေကို သက်သာစေပါတယ်။
နာ့ဗ်ကြောရဲ့ လုပ်ငန်းဆောင်တာတွေကို ကောင်းမွန်စေပါတယ်။
မြန်မာများ ချက်ပြုတ်စားကြသည့် ကန်စွန်း ပင် ၏ တိုင်းရင်းဆေးဖက်ဝင် အသုံးဝင်ပုံ များကို ရေးသားတင်ပြရန် ရွေးချယ်ထား ပါတယ်။
ကုန်စိမ်းဆိုင်များတွင် ရောင်းချကြသော ကန်စွန်းကြီးရွက် (တရုတ် ကန်စွန်း)၊ ကန်စွန်းရိုးနီများသည် မြန်မာတို့ မကြာခဏ ချက်ပြုတ်စားသုံးလေ့ရှိသော ဟင်းရွက်များ ထဲတွင် ပါဝင်ပါသည်။ ယင်းတို့ကို ချက်ပြုတ် စားသောက်ခြင်းဖြင့် ငွေကုန်သက်သာစေသည့်အပြင်လူတို့အတွက် အာဟာရဓာတ် တို့လည်း ဖြစ်စေပါသည်။
မြန်မာ့စားသုံးမှု
ကန်စွန်းရွက်ကို ငါး၊ ပုစွန်ဖြင့် အချို့ဟင်းတစ်ခွက် ချက်စားခြင်းပြုတ်တို့စားခြင်း၊ ကြော်လှော်စားခြင်း၊ အသုပ်အဖြစ် စားသုံးခြင်း၊ ချဉ်ဖတ်နှင့် ပြုတ်၍ သနပ်စုံထည့်စားခြင်း၊ ပဲ၊ ငါး စသည့်တို့နှင့် ငါးပေါင်းကြော် အဖြစ်လည်း ကြော်လှော်စားသုံးကြသည့်အပြင် အခြား ဟင်းရွက်များနှင့် ရောနှောချက်စားလေ့ရှိကြပါသည်။
အဆိပ်အတောက်ပြေစေသည့် ကန်စွန်းရွက်
မှိုဟင်းများ ချက်စားသုံးရာတွင် အဆိပ်အတောက်များကို ပြေစေရန် ကန်စွန်းရွက်ကို ရောနှောချက်ပြုတ်ကြော်စားလေ့ ရှိကြပါသည်။ ကန်စွန်းရွက်သည် ချက်ပြုတ်စားသုံး ရာတွင် ဟင်းလျာအဖြစ် စားသုံးရသကဲ့သို့ ကျန်းမာရေးကဏ္ဍတွင်လည်း ဆေးဝါး ဓာတ်စာအဖြစ် အသုံးဝင်စေပါသည်။
မြန်မာ့ဆေးကျမ်း၏ အဆိုများ
ကန်စွန်းရွက်နှင့် ပတ်သက်၍ မြန်မာ့ဆေးကျမ်းများတွင် တိုင်းရင်းဆေးဖက်ဝင်ပုံများကို အကျယ်တဝင့် ဖော်ပြထားကြသည့်အနက် ဥတုသောဇနသင်္ဂဟ ကျမ်းတွင် ရေးသား ဖော်ပြချက်များကို ဆက်လက်တင်ပြထားပါသည်။
ကန်စွန်းရွက်သည် ချို၏။ နို့ရည်၊ သုက်တို့ကို ပွားများစေ၏ ရှုတော်မူဆေးကျမ်းနှင့် ရသ ဓာတုကျမ်းတွင် ကန်စွန်းရွက်သည် ဝမ်းမီးကို ဖြောင့်စေခြင်း၊ ငန်းမန်းကြေခြင်း၊ သုက်ကို ပွားများစေ၏ ရူးသောအနာ၊ သည်းခြေနှင့် ယှဉ်သောအနာ၊ အဆိပ်အတောက်အမျိုးမျိုး၊ သွေးကင်း၊ လေကင်း၊ အပုပ်ကင်း၊ အဖျားကင်း စသည်တို့ကို ကုသရာတွင် အသုံးဝင် ကြောင်းကို ဖော်ပြပါသည်။
မျက်စဉ်းဆေးရည်
ကျေးလက်တိုင်းရင်းဆေးဆရာများ အသုံးပြုခဲ့သည့် ကန်စွန်းရွက်ပါဝင်သော မျက်စဉ်း ဆေးရည်မှာ သန့်စင်ဆေးကြောထားသော ကန်စွန်းရွက်ကြိတ်ညှစ်ရည်ကို လူနို့ နှင့် ဖျော်ပြီး မျက်စဉ်းဆေးရည်အဖြစ် ခတ်ပေးခြင်းဖြင့် မျက်ခမ်းစပ်နာ၊ မီးယပ်မျက်စိနာ၊ မျက်စိမှုန်ဝါးဝါးဖြစ်ပေါ်နေသော ဝေဒနာတို့ကို ကုသပေးနိုင်ပါသည်။
ဆေးမှာဖြေဆေး ကန်စွန်းရည်
မြန်မာ့တိုင်းရင်းဆေးဝါးများအနက် သမားတော်ကိုင် ဆေးဝါးအချို့တို့တွင် စိန်ဓာတ်ဖြင့် ဖော်စပ်ထားသော ဆေးဝါးများကို လူတို့သုံးဆောင်နေစဉ် သံပရာရည်ကို သောက်မိပါက စိန်အဆိပ်အတောက်ကို ဖြစ်ပေါ် စေနိုင်ပါသည်။ ထိုသို့ ဖြစ်လျှင် လတ်ဆက် သန့်ရှင်း စင်ကြယ်သော ကန်စွန်းရွက်ကို ထုထောင်း၍ အရည်နှင့် အဖတ်တို့ကို သောက်ပေးခြင်းဖြင့် အဆိပ်အတောက်များကို ပြေစေနိုင်ပါသည်။
ဝမ်းဗိုက်ရောဂါကု ဆေးဝါးဓာတ်စာ
တစ်ခါတစ်ရံတွင် လူကြီးများ အစာမှားခြင်းကြောင့် ဝမ်းဗိုက်မအီမသာဖြစ်ခြင်း၊ မစားချင် မသောက်ချင်၊ နေရထိုင်ရအခက်တွေ့ခြင်း၊ မစားချင်မသောက်ချင်၊ နေရထိုင်ရအခက် တွေ့ခြင်းနှင့် ကိုယ်လက်ယားယံပါက ကန်စွန်းရွက်နှင့် ထန်းလျက်ကို အတူကြိတ်ပါ။ ရလာသော အရည်ကို ဟင်းစားစတီး ဇွန်းထက်ဝက်ခန့် နံနက်တစ်ကြိမ်၊ နေ့လယ်တစ်ကြိမ် သောက်သုံးပေးခြင်းဖြင့် ပကတိအတိုင်း ကျန်းမာလာစေနိုင်ပါသည်။
ရေနွေးနှင့် မီးလောင်နာ
မိသားစုဝင်များတွင် မကြာခဏ ကြုံရတတ်နေသော ကျန်းမာရေး ပြဿနာမှာ ရေနွေး ပူလောင်ခြင်းနှင့် မီးပူလောင်ခြင်းတို့ပင် ဖြစ်ကြပါသည်။ ခြေ၊ လက်တို့တွင် မီးလောင် နာထပါက ကန်စွန်းရွက်ကြိတ်ရည်ကို လိမ်းပေးပါ။ ကန်စွန်းရွက်ကြိတ်ညှစ်ရည်နှင့် သကြားကို ထည့်ဖျော်လျက်လိမ်းပေးခြင်းဖြင့်လည်း အဖုများကို ဖြစ်ပေါ်စေခြင်းမှ ကင်းဝေးစေပါသည်။
အကြောတက်ခြင်းနှင့် ကန်စွန်းရွက်
မကြာခဏ ဇက်ကြောတက်ကြသူများ၊ ဇက်တောင့်တင်းခြင်း၊ ကိုယ်ငွေ့နွေးနွေးနှင့် ဖျားချင်သကဲ့သို့ ဖြစ်ပြီး ကိုယ်လက်များ လေးလံခြင်း၊ ချွေးငုပ် ခြင်းများ ခံစားရပါက သိန္ဓောဆားအနည်းငယ်မျှကို ကန်စွန်းရွက်ကြိတ်ညှစ်ရည်စပ်ပေးပါ။
ထိုဆေးရည်ကို လူကြီးဆေးတစ်ခွက်စာအတွက် ဟင်းစာစတီးဇွန်းနှင့် တစ်ခွန်းကို နံနက် တစ်ကြိမ်၊ နေ့လယ်တစ်ကြိမ်၊ ညတစ်ကြိမ် တစ်နေ့သုံးကြိမ်တိုက်ကျွေးပေးပါ။ အဆိုပါ လက္ခာဏာများအတွက် ဤဆေးရည်တစ်စက်ကို သန့်ရှင်းသောရေ ဆယ်စက်နှင့် ရောစပ် ၍ မျက်စဉ်းဆေးရည်အဖြစ် ခပ်ပေးနိုင်ပါသည်။
ဟင်းလျာတစ်ခွက် ကျန်းမာရေးအတွက်
လတ်ဆက်သည့် ကန်စွန်းရိုးနီ၊ ရွက်ကျပန်းလိန်ရွက်ကို ရေးနွေးနှင့်ဖျောပါ။ ထို့နောက် ပါးပါးလှီး ဖြတ်တောက်၍ ငါးကျည်းခြောက်၊ ငရုတ်၊ ကြက်သွန်နီ၊ ဆီ၊ ဆား ထည့်၍ သံပရာရည်ဆမ်းကာ အသုပ်အဖြစ် စားသုံးပေးခြင်းဖြင့် အူလမ်းကြောင်းတွင် ဖြစ်ပေါ် နိုင်သော ဝမ်းကိုက်ရောဂါ၊ သွေးဝမ်းကိုက်ရောဂါ၊ အမျိုးသမီးတို့တွင် ဖြစ်ပေါ်တတ်သော မီးယပ်သွေးပုပ် ကျန်သောရောဂါ၊ မီးယပ်သွေးမမှန်သောရောဂါ၊ သားအိမ်လျှောကျသော ရောဂါ၊ သားမြတ်နာ (နို့အုံနာ)၊ နို့ထွက်နည်းခြင်း၊ ဇက်ကြောထိုးခြင်း၊ ဇက်ကြောတက်ခြင်း၊ ချောင်းဆိုးခြင်း၊ အသားအရေနှင့် ပတ်သက်သော အရေပြားရောဂါများ၊ အသံဝင် အသံ ပျက်ရောဂါအပြင် ဆီးအိမ်နှင့် ပတ်သက်သော ရောဂါတို့တွင် ကုသရာ၌ အသုံးဝင် စေပါသည်။
ကျန်းမားရေး
မကြာခဏ ကန်စွန်းရွက်ကို စားသုံးပေးခြင်းဖြင့် ကျန်းမာမှုကို မြှင့်တင်ပေးနိုင်ပြီး ခွန်အား ဗလရှိခြင်း၊ ဝမ်းတွင်းရောဂါကို သန့်စင်ပေးခြင်း၊ အပူဒဏ်၊ အအေးဒဏ်ကို ခံနိုင်ရည် ရှိ စေခြင်း၊ ရောဂါတစ်စုံတစ်ရာ လွယ်ကူစွာ ဝင်ရောက်မှုကို တားဆီးကာကွယ်စေနိုင်ပါ သည်။ ထိုကဲ့သို့ အသုံးဝင်သော ကန်စွန်းရွက်နှင့် တိုင်းရင်းဆေးခေါင်းစဉ်ဖြင့် စာဖတ် ပရိသတ်များထံသို့ ရေးသားတင်ပြလိုက်ရပါသည်။
Ref : Health Digest
Posted by ပိုပိုဇော်
0 comments:
Post a Comment